Associativa

L'escòla es gerida per una associacion. Qual ne son los sòcis ? Los parents qu'inscrivon lors enfants dins aquesta escòla e los ensenhaires de l'establiment.

L'associacion ten de responsabilitats de las bèlas : es garanta de la mesa en òbra dels principis fondadors (laicitat, gratuïtat, bilingüisme), del projècte pedagogic, del personal de l'establiment, que sne siá l'emplegaire o non. Mas es pas tota sola. Fa en ligason amb la confederacion de las Calandretas, las federacions departemantalas e regionalas, A signat un contracte d'associacion amb l'Estat qu'es emplegaire delss ensenhaires. Enfin trabalha en cooperacion amb lo rectorat, la comuna e totas las institucions que sostenon sa demarcha. Calandreta dau Clapàs : una escòla associativa que pren sa plaça dins lo servici public d'educacion.

Laïca

L'escòla es laïca. Lo movement associatiu egalament : e se plaça fòra de tota influéncia religiosa.

Gratuïta

L'ensenhament es gratuït. Mas alara que representa la moneda balhada cada mes pels parents ? Aquò representa l'escotisson (20 € p mes en 2015), que se dèu a l'associacio n per cada familha sòci.

Biligüa

La Calandreta ensenha l'occitan als enfants gracias a l'imersion dins la lenga e aquò tre la mairala. Aquò permet als enfants d'sser vertadièrament bilingües. Lo francés es introduit pauc a pauc e va creissent a partir del CE1.

Per ne saupre mai :

Legir la carta de las Calandretas

Nòstra istòria

Nòstre projècte

Lo budget