Lo biais de las Calandretas es inspirat del metòde Freinet e de la pedagogia institucionala. Sa tòca es de balhar la paraula a l'enfant, de lo far autonòm e de regular la vida de grop. S'organiza segon tres aisses.

Primièr ais : L'enfant es actor dins sa classa; Un actor qu'es butat a cooperar amb los autres. A respectar las règlas definidas en classa, fa partida dins una còla (de 3 a 5 enfants), fa un mestièr, participa a de moments d'acuèlh e de presa de paraula : « Qué de nòu ? » e Conselh. A ajudar sos collègas e d'èsser ajudat per eles dins los aprendissatges.

Second ais : los aprendissatges partisson de son experiéncia, sos apòrts (objèctes, sabers, racontes...), sos escambis amb los autres. D'aquí l'importància de la correspondéncia establida en cors d'annada amb una autra classa de Calandreta, dels tèxtes liures, del jornal, mas tanben de las sortidas a la jornada e dels sejorns coma las classas verdas.

Tresen ais : l'enfant avança a son ritme, amb d'espleches que se bastís e fa seu. Realiza cada setmana des trabalhs individuals. S'avalora tot lo long de son escolaritat amb las cenchas, es a dire un còde color atal coma al judò, que li permeton de mesurar la progression de sas coneissenças coma la de son comportament.

Per ne saupre mai :Una bibliografia

- Méthode pédagogique :
Célestin Freinet
Fernand Oury
René Laffitte

- Bilinguisme :
Jean Petit
Gilbert Dalgalian
Lambert et Taylor