Es un projècte associatiu, que s'inscriu dins lo servici public d'educacion e que desvolopa un metòde comun a totas las Calandretas. Una carta definís los principis de basa del foncionament de las escòlas.

Dins un esperit de tolerància e de respècte de las diferéncias, l'objectiu de la Calandreta dau Clapàs es de transmetre la lenga e la cultura occitana als enfants. L'escòla establís las condicions d'un bilingüisme vertadièr gràcias a l'immersion dins la lenga occitana tre l'escòla mairala.

Los ensenhaires, que trabalhan en còla, desvolopan un metòd pedagogic que s'inspira del metòde Freinet, de la pedagogia institucionala e de las òbras de psicolinguistes sus l'educacion bilingüa en immersion precòça. L'escòla encoratja la mesa en plaça d'institucions dins las classas que donan la paraula als enfants, los rendon autonòmes, regulan la vida dels grops e enfin dubrisson la classa a l'endefòra. L'objectiu es d'assegurar una continuitat de la mairala cap al collègi e de donar de sens als aprendissatges.

La Calandreta dau Clapàs anima d'accions culturalas occitanas e s'integra a la vida cultural de son environa. Aquò fa sens a la lenga pels enfants. E aquò dona una escòla mai conviviala.

Per ne saupre mai: La carta de las Calandretas.