Cossí inscriure lo vòstre enfant :

La dintrada dels enfants en Calandreta se fa la màger part del temps en mairala (tre l’edat de 3 ans), mas d’arribadas en cors de cicle son pas impossiblas. Per s’inscriure, cal prene contact amb lo secretariat de l’escòla per telefòn o mèl. Aprèp aquesta primièra presa de contact, un acamp es organisat cada annada a la prima. Las inscripcions se fan en fonccion de las plaças disponiblas.

Tel : 04 11 38 03 13

Mèl: secretariat.clapas@calandreta-dau-clapas.org

Los oraris :

Son los meteisses que dins totas las autras escòlas de Montpelhièr. Los enfants son aculhits entre 7o30 e 8o35. Los corses se debanan de 8 oras 45 a 12 oras e de 14 oras a 16 oras 45.

La cantina :

Los repaisses son procurats pel servici de restauracion escolara de la comuna. Son preses dins los locals de l’escòla vesina, Frederic Bazille. Los enfants son encadrats per de personals de la comuna. Cal inscriure son enfant per l’annada pròcha de la restauracion municipala, puèi puntar amb una carta los matins ont l’enfant manja a la cantina.

L’estudi :

Se ten cada ser de 5 oras a 5o45. Los enfants pòdon faire lors devèrs amb l’ajuda de regents .

Lo periscolar :

Las activitats e los acuèlhs periscolars son assegurats pels animators de la comuna.

La bibliotèca :

La BCD (Bibliotèca e Centre de Documentacion) gerís un fons de libres en francés e en occitan. Assegura lo prèst e lo tornar dels libres cada ser aprèp l’escòla, atal coma de talhièrs pendent los temps de classa associats amb los regents.